“Lu curtigghiu di li Setti Fati

Ntra sta curtigghiu di li Setti Fati, nta la vanidduzza chi spunta ‘n facci lu munasteri di Santa Chiara, vonnu diri ca la notti cci vennu setti donni di fora, tutti una cchiu ‘ bedda di n’ autra. Sti donni si purtavano quarchi omu o puramenti quarchi fimmina ca ci pari a idde e ci facinu vidiri cosi mai visti : balli, sonura, cummiti, cosi granni. E vonnu diri puru ca si li purtavano supramari, fora fora, e li facianu caminari supra l’acqua senza vagnarisi. Ogni notte facianu sti magisteri e poi la mattina spirianu e un si nni parrava chiu ‘. Di ddocu nni veni ca stu curtigghiu si chiama lì curtigghiu di li Setti Fati.

1. Pitre’, Biblioteca delle tradizioni popolari 1875

Foto Credits: Museo Etnografico Giuseppe Pitrè, Palermo.